Talde gipuzkoarrak ezin izan du denboraldiko bigarren garaipena lortu Club Ourense Baloncesto taldearen aurkako partida parekatu baten ostean.

Inveready Askatuak Gipuzkoak 86-90 galdu du Club Ourense Baloncesto taldearen aurka 2026/27 denboraldiko lehen partida José Antonio Gascan.

Talde gipuzkoarrak denboraldi hasiera onari jarraipena emateko helburuarekin ekin zion estreinaldiari zaleen aurrean. Partida estu batean, Sergio Garciaren taldea garaipen berri bat lortzetik gertu egon da, baina azkenean garaipena galiziarren alde erori da.

Ondrej Hanzlik izan da partidako protagonista nagusietako bat, 23 puntu eta 5 erreboterekin eta 28 puntuko baloraziarekin. Esteka honetan estatistikak kontsulta daitezke.

Mikel Motosen omenaldiak ere markatu du jardunaldia. Norgehiagokaren aurretik, klubak 9. dortsala erretiratu du, eta klubaren historian erretiratu den lehen zenbakia da, bere ibilbideagatik eta 12 denboraldiengatik Gipuzkoa Basketen elastikoa defendatuz.

Partidaren ostean, Sergio Garcia hedabideen aurrean agertu da partidaren balorazioa egiteko: “Gertu egon garela uste dut. Orain lanean jarraitzea, hobetzen jarraitzea eta hurrengo partidan pentsatzea dagokigu “.

FEB Lehen Mailako lehen bi jardunaldien ondoren, Inveready Askatuak Gipuzkoak garaipen bat eta porrot bat lortu ditu, eta urriaren 11n Movistar Estudiantesen aurka Madrilen izango duen konpromisoan jarri du begirada.