Liga hasi da. Hilabete baino gehiagoko prestaketaren ondoren, lehiaketa bueltan da eta estreinaldi altu batekin. Askatuak Gipuzkoa Granadara joango da larunbat honetan, 19:00etan, ACBtik jaitsi berri den taldearen aurka jokatzeko.

Covirán Granada lehiaketako talderik indartsuenetako bat da. Talde andaluziarrak aurreko denboraldiko blokearen zati handi bat mantendu du, Lluis Costa, Jonathan Rousselle eta Jovan Kljajicen kontratu berritzeekin. Horiez gain, Mathieu Kamba, Tanner McGrew eta Mus Barro ere gehitu behar dira.

Granadarrak, beraz, ukitu harri gogorra izango dira ligako estreinaldirako. Aurkariari buruz, Sergio Garciak honakoa adierazi du: «Kanpotik ikusita, lehenengoen artean egoteko potentziala duen roster bat dute».

Denboraldiaurre zorrotza izan ondoren, Askatuak Gipuzkoa txapelketaren hasierara iritsi da, konpromiso gogorrekin, eta partidak aurrera joan ahala taldea hazten eta hobetzen joan da. Estreinaldiaren aurretik taldearen egoerari buruz, Sergiok adierazi du «Ilusioa, itxaropena eta konfiantza dugu partida on bat egiteko. Azken entrenamenduetan ondo lan egitetik gatoz eta jokalariek lehiaketa hasteko gogo handia dute» dela.

Denboraldiko lehen jardunaldia eta lehen test handia. Partida zuzenean eta doan jarraitu ahal izango da BaloncestoTV bidez https://www.baloncestotv.com/es/home

Partidaren estatistikak hemen egongo dira eskuragarri https://www.feb.es/competiciones/partido/2535729.